انهارده و انا خارج من جامعة حلوان و من الباب التاني الصغير و اللي بيكون عادة واقف قدامه مجموعة من ميكروباصات الترامكوا –العشّة- لنقل الطلبة الخارجين من الجامعة إلى حلوان المحطّة، و انا على بعد تقريبا 5 متر من البوابه لقيت ظابط الأمن ماسك شومة سودا و حاطط سنّها في ضهر واحد من سواقين الميكروباصات و بيزقه داخل حجرة الأمن الخاصة بالبوابه و وراه مخبر او امين لابس مدني دخله و قفل الباب… من اول ملاحظتي للضابط ماسك الشومه حاولت ابطئ حركتي عشان اعرف ايه دا بعد مدخل كنت بقيت جمب حجرة امن الجامعه و لاحظت ضحكات على وشوش العسكري و احد المخبرين في زي مدني بعدها سمعت الحوار التالي…
الظابط: افتح ايدك يا ابن المتناكه… انا هربيك يا كس امك…
-صوت طرقعه جامد قوي-
السواق: ياباشا انا معملتلوش حاجه
الظابط: افتح يا كس امك بدل منزل على دماغك…
صوت طرقعه و وراها صرخة للسواق…
في الوقت دا كان الصوت علي و اتنين من الطلبه وقفوا جمبي بيسمعوا فجه المخبر يمشينا…
انا عارف الظابط دا و من الواضح انه معروف بمضايقته للطلاب لأنه من اسبوع و انا داخل الجامعه علّق على دقني وهو بيبص في البطاقه و تعليقه كان بإستهذاق فرديت و انا ماشي “انا شيوعي فكك مني” فبصلي وضحك…
للأسف الحكايه كانت بسرعه جدا و ملحقتش اخرج الموبايل و اصور بس اكيد هحاول اصور الظابط القذر دا… و طبعا واقعة تعذيب ظباط الشرطة لسواقين الميكروباص خصوصا امر بيحصل بشكل يومي و مفيش اشهر من واقعة اسلام نبيه المتهم و محبوس حالياً لتعذيبه و هتك عرض عماد الكبير!!!
الجديد في هذه الواقعة هو استخدام كلاب العادلي لحرم الجامعة لممارسة ممارساتهم السادية بتعذيب مواطنين.. وإن كان لا شئ مستبعد عن كلاب العادلي المدرّبين على تعذيب المواطنين!!!
امبارح كانت آخر تخريفات الرئيس المتهاوي في تخرفات الشيخوخة بتعيين احمد زكي بدر وزيرا للتعليم، و الخبر اللي مش قادر اصدقة حتى الآن فأحمد زكي بدر ابن احد المجرمين وهو زكي بدر وزير الداخلية السابق و المعروف بإشتراكة المباشر و الغير مباشر في التعذيب و الإذاء البدني للمعتقلين السياسيين في فترة الثمانينيات و المعروف ايضا بسلاطة لسانة و دمويته… الأمر اللي مختلفش كتير مع ابنه أحمد زكي بدر و اللي معروف بسلاطة لسانه و تهجمه على طلبة جامعة عين شمس بدوره رئيس للجامعة و تآمره عليهم بإدخالة لبلطجية الداخلية لممارسة ارهاب داخل الجامعة ضد الطلبة الرافضين لزيادة المصاريف… دا نبذه صغيرة عن زكي “سنجة” كما يسميه طلبة جامعة عين شمس ابن الرجل الأكثر دموية و سلاطة لسان في تاريخ مصر المعاصر -ينافسه حبيب العادلي- ولكن ممكن معرفة الأكثر عن أحمد وزكي بدر في ملفهم في مدونة التعذيب في مصر و ملف زكي بدر في مدونة طلاب جامعة عين شمس…
فيديو يظهر أحد تحركات زكي سنجه داخل جامعة عين شمس و إدخاله لبلطجية الداخلية لضرب و إيذاء الطلبة داخل الحرم الجامعي
دلوقتي دا هو تاريخ وزير التعليم القادم، التعليم اللي هو اصلا اصلا خربان و معندناش منه فبعد ما البلطجي دا يكون مسؤول عن تربية و تعليم اطفال و شباب المصريين يبقى يا حلاوه – قال يعني من قبله كانت نافعه خربانه خربانه- ولكن حقيقي مبارك من الواضح ان الشيخوخة عصفت باللي باقي من عقله و انا عن نفسي اتمنى انه نحجر عليه بإعتبارنا ابنائه و مراته ماما سوزان تبقى امنا في الرضاعه!!
لأحمد زكي بدر مني كلمتين قالها العظيم اللي لباسه برقبة زكي بدر و اللي جابه…
“وزير من الوِزر .. مش صدفه ولا تلفيق.. هاتولى واحد نزيه وشريف ويبقى وزير”
انا هحتفظ بتعليقي على الفيديو يومين كدا لحاد ما مشكلة الإنترنت دي تخلص عشان عندي كلام كتير يتقال و للعلم انا من هنا و رايح مش هلوم على كلاب الداخليه على اللي بيعملوه فينا فنحن لسنا سوى انصاف رجال!!!
وبعد أن أنكرت الجريمة، هددوني بالضرب والسحل والتعذيب ورأيت بعض المحتجزين في ذلك المكان وهم يتعرضون للضرب المبرح وسيل من الشتائم وأكدوا لي أنه إذا لم أعترف أمام النيابة بالجريمة سيقومون بتعليقي وضربي وتعذيبي واحتجاز أهلي وإخوتي وإهانة أمي
أنا ح أقول لللقاضي علي كل حاجة وعلي الحقيقة كلها وح أطلب منه يحميني أنا وأهلي من ضباط المباحث لأني أنا وأهلي غلابة والضابط قالي إني أنا وأهلي وشارعنا كله مالهوش ثمن وأنهم ممكن يودونا وراء الشمس وماحدش ح يقدر يقف معانا
نقلا عن “
