All by the great ~Latuff

A3 size of the poser for print purposes can be downloaded from here

Sign a petition against the killing of pigs…

طبعاً الفيديو بيتكلم عن نفسه و بيوضح مدى الفاشية اللي النظام بيتعامل بيها مع قضية الخنازير، ومش محتاج اقول ان اللي اليوم بيدفن الحيوان بالحيا بكرا هيدفن الإنسان بالحيا لأن الحكايه مش متعلقه بمرض إنفلونزا الخنازير H1N1 ولكن النظام بيستغل الظرف للتخلص من زرايب الخنازير مستغلين الوضع الحالي، انا حابب اوضح بس حاجه بسيطه لأني لاحظت ان كتير من الناس شايفه ان  الي بيحصل من مدابح  جماعية للخنازير دا حمايه لينا كشعب مصري مش ناقص بلوى وباء جديد، الكلام دا كان ممكن يكون صح و يكون إسلوب النظام مع رفضه هو الإسلوب الأفضل للمواجه فقط لو كنا في المرحلة الرابعة و هي المرحلة اللي بيكون فيها انتشار المرض بين الحيوان و الإنسان زي انفلونزا الطيور الطائر هو فقط الحامل للمرض و القادر على نقله ولكنه مش بينتقل بين الأشخاص، ولكن في إنفلونزا الخنازير إحنا في المرحلة الخامسة او الطور الخامس للفيروس يعني العائل و ناقل المرض مش هو الخنزير فقط لأ و الإنسان كمان يعني ببساطه لما الخنازير دي كلها يتم دبحها احنا معملناش حاجه لأن حامل واحد للمرض يمر من المطار فهو ناقل للمرض لكل المصريين!!!

ويهمني اني اعمل مقارنه بسيطه بين موقف النظام المصري من قضية الخنازير و موقف دول أوروبا من نفس القضية لتوضيح التخلف و الفاشية اللي النظام بيتعامل بيها مع الموقف، في أوروبا بعد انتشار المرض خارج المكسيك و كانت وزارة الصحة العالمية لم تعلن عن إسم علمي للفيروس كان الإسم المتداول في وكالات الأخبار هو “فيروس إنفلونزا الخنازير” الأمر اللي أثّر على المستثمرين الأوروبيين المتاجرين في لحوم الخنازير و قدموا إحتجاجات رسميه بتغيير الإسم لأن إستثماراتهم تأثرت و مبيعاتهم من لحوم الخنزير الأوروبي قلّت وتم فعلاً الإستجابة لطلبهم، وفي الوقت نفسه اللي المستثمرون بيدافعوا عن سمعة إستثماراتهم النظام المصري المتخلف فقط بيدفن الخنازير أحياء في مقابر جماعية!!!