egypt street | Gaberism – جابريزم

2nd of may strike – اعتصام 2 مايو

24-04-2010

30 February, Activism, Egypt, egypt street, egyworkers, solidarity, strike, video

صورة لجزء من تسجيلات التضامن من فئات مختلفة من الشعب المصري مع اعتصام الحد الأدنى

2 مايو هو اليوم اللي قرر فيه العمال من فئات و مواقع عمل مختلفة الإعتصام و التظاهر سلمياً امام مجلس الوزراء للضغط و المطالبة بتنفيذ الحكم القضائي الملزم لرئيس الوزراء بشخصه بتنفيذ القرار في مدة لا تتجاوز الثلاثين يوما و الا تعرض للحبس لرفضه تنفيذ حكم قضائي.
الأمر الجديد و الملفت للنظر هو حالة التضامن الواسعة من جميع الفئات تعلن تضامنها مع حق تنفيذ الحكم القضائي و مع حق الاعتصام و التظاهر السلمي و اللي بعتقد انه بيحدث لأول مرة، البانر اعلاه بيضم مجموعة من التسجيلات مع سينمائيين، مخرجين، محامين، صحفيين، عمال و مدونين جميعهم مواطنين مصريين بيعلنوا تضامنهم و رفضهم للفوضى اللي نعيشها -على حد تعبير المخرج و المواطن المصري مجدي احمد علي-، مجموعة التسجيلات مش بس بتوضح وجود نسيج جديد من التضامن بين صفوف الشعب المصري بيرفض الفوضى و فساد النظام القائم رافضا اي خوف -لكونهم شخصيات عامة او مواطنين عاديين قد تطولهم يد ارهاب امن النظام- ولكن انا شايف ان في تسجيلات التضامن رسالة قوية لنظام اصبحة شيخوخة افراده امر بين من رأس النظام الراقد في شرم الشيخ حتى قوانين و سلوكيات النظام المريض.
يوم 2 مايو هننزل الشارع في اعتصام و تظاهر سلمي امام مجلس الوزراء للمطالبة بحقنا في حد ادنى عادل للآجور، نطالب بحقنا في العيش في بلد نظامها يخضع للقانون و لسلطة القضاء.

مصر.. الجزائر… خرا عليكوا

By: Gaber

15-10-2009

Blogging, egypt street, gaberism, ya3333, ثورة الأحا

الجزائر*
شاركت الجزائر حرب أكتوبر 1973 على الجبهة المصرية بالفوج الثامن للمشاة الميكانيكية، كان الرئيس الجزائري هواري بومدين قد طلب من الاتحاد السوفيتي شراء طائرات وأسلحة لارسالها إلى المصريين عقب وصول معلومات من جاسوس جزائري في أوروبا قبل الحرب مفادها أن إسرائيل تنوي الهجوم على مصر وباشر اتصالاته مع السوفيات لكن السوفياتيين طلبوا مبالغ ضخمة فما كان على الرئيس الجزائري إلى أن أعطاهم شيك فارغ وقال لهم أكتبوا المبلغ الذي تريدونه، وهكذا تم شراء الطائرات والعتاد اللازم ومن ثم إرساله إلى مصر، و هذه بعض إحصائيات لما قدمته الجزائر لهذه الحرب التي كانت هي ثاني دولة من حيث الدعم للحرب.. التعداد البشري: 2115 جندي، 812 صف ضباط، 192 ضابط، 96 دبابة، 32 آلية مجنزرة، 12 مدفع ميدان، 16 مدفع مضاد للطيران، سرب من طائرات ميغ 21، سربان من طائرات ميغ17، سرب من طائرات سوخوي7 و كان مجموع الطائرات حوالي 50طائرة.

الصراحه مفيش ابلغ من دا ردعلى الحالة الخرائية اللي وصل ليها عقول الناس من الجانبين المصري و الجزائري و مش هضرب مثال لحالة التعصّب القذر اللي حاصله بين الشعبين ولا هنشر شويه من البانرات اللي رددها الجانبين خرا عليهم هم الإتنين، احا انا عايز اعرف ازاي وصلنا نكون مغيّبين بالشكل دا لأن تصبح كل آمالنا و احلامنا و مشاكلنا في الحياة هو اننا نتنيل ندخل كاس عالم في نفس الوقت الي بيحصل كل يوم مصيبه في مصر و في الجزائر اهم بكتييير و اولى ميت مره من ميتين ام الكوره اللي حارقه طيازكوا!! و مش هضرب مثال بالقدس و اللي حاصل فيه من حصار و اللي كان يكون اولى مليون مره بإنتباهكم يا مغيّبين -طبعا الإنطباع عني دلوقتي اني مجرد حنجوري- بس بمنتهى البساطه انا حابب نعمل مقارنه بسيطة بين اليوم و 26 سنة مضت امبارح كنا في ميدان واحد بنحارب كتف مع كتف ودلوقتي بنستعد لإستقبال الجمهور الجزائري في الإستاد عشان نقطّعهم ضرب و شتيمه و طبعا الشباب الجزائري و اللي ميقلّش عصبيه جاي و عامل حسابه هيكسّر الإستاد لو منتخبه مرجعش متأهل لكاس العالم، فقط عندي تعليق واحد للجوز و لأي حد بيسخن و بيعيد نشر الخرا اللي حاصل بين الشعبين… كـــلـــوا خـــرا!!!!
*مصدر ويكيبيديا عربي

أه يا بلد لو التعريص سابك ميلائيلوش صدر حنين

By: Gaber

11-10-2009

30 February, Activism, Blogging, Egypt, egypt street, Human Rights, resistance, ثورة الأحا

المنطقة المحررة

طيب مش كنتم تقولوا يا سيادة المستشار؟ ولا يعني احنا كان عاجبنا البيات على الرصيف ومواجهة الهجمات الليلية لأمن الدولة كل شوية؟… لم نحملكم فوق طاقتكم يا سيادة المستشار، ولم يقل لكم أحد اذهبوا فقاتلوا إنا هاهنا قاعدون، رفعنا إليكم آمالاً وأمنيات بوطن أجمل و كنا مستعدين لدفع أعمارنا ثمناً لها، وكانت أجسادنا دروعاً نذرناها لحمايتكم عن طيب خاطر. وكان آلاف المصريين يتحدون جحافل العسكر ويملأون وسط القاهرة دعماً لكم مع كل جلسة لمحاكمة المستشارَين محمود مكي وهشام البسطويسي؛ فيعودوا بعشرات الجرحى ومئات المعتقلين قبل أن يعيدوا الكرة في موعد الجلسة التالية، اعتصر الألم قلوبهم حين شاهدوا البسطويسي في المستشفى وبكوا مع دموع محمود حمزة بعدما اعتدى عليه كلاب مبارك أمام النادي، ولولاهم لكنت تتحدث الآن بوصفك القاضي السابق أحمد مكي –ضحية مذبحة القضاة 2006- .

إقروه فمابقى بالبيوض مايتحمل المزيد… واحا يا بلادي!!

فاروق حسني… عند امك

By: Gaber

23-09-2009

blogsphere, Egypt, egypt street, gaberism, internet

العشم

By: Gaber

19-08-2009

Art, Egypt, egypt street, gaberism

في الفترة اللي فاتت انا كنت تماما و كليا موجّه كل وقتي للشغل و انا دلوقتي بشتغل مخرج فني في واحده من شركات الدعاية و الإعلان الكويسه يعني في الفترة اللي فاتت كنت بذاكر جرافيك آرت أكتر و بشتغل اكتر بحاول احقق خطوات انا بخططلها دا على اسا اني بعرف اخطط يعنيّّّ!!!

المهم في الفترة دي قابلت كمية من الإحباطاتفي الإحتكا المباشر مع شرائح و انواع مختلفة من البشر بعملهم شغل “ذو طابع فني” وهم بيتنوعوا بين “فنانين” و “مثقفين” بيقولوا عليهم كدا بس بمنتهى البساطة اللي حارق دمي دلوقتي واللي بقى مخليني جديا افكر في اني اسيب البلد دي و أهج “غير ان جمال مبارك يمسك حكم البلد يعني” انه احنا شعب العشم نايكه!!!

فعلا احنا كمصريين العشم نايكنا و نايكنا اتجاه واحد يعني ياريت اتجاهين كان يبقى مفيش مشكلة انما دا واخدنا رايح بس مش رايح جاي، يعني انا من حقي اطلب منك شغل و اتفق معاك على المقابل و تعمل الشغل و تخلصه و اطلع دين اهلك زن عشان تسلمني الشغل و يكون على درجة عالية و تفتح بقك و تريل سعادتك و تقول والله جميل والله يا ابوجابر -شكرا يا كس امك- طيب يلا نتحاسب… اول ما الكلمة دي بيتم طرحها في المحادثة بتظهر كل ال “أصل و بس و اعذرني طيب و بص” و يتعامل معاك طالب منك انك تفهم ظروفه انه لازم يديك فلوسك بعد اسبوع واللي بيمتد لإتنين و يمكن شهر و اكتر و دا حصل طالب منك الصبر بإسم العشم كأنه جوز امي!!!

يعني انت العشم ناكك و جه لعندي و قالي بح؟ انت عشمان اني اقولك اوك يا معلم واحد و انا مليش حق اني اقولك لا فكك مني اصلي لو مخدتش الفلوس دي مش هعرف اجيب علبة سجاير و انا مروح او اضرب ازازتين بيره عشان اعرف اشتغل ولا اي سبب انت ملكش دعوه بيه ؟!!!

و الجديد بقى و اللي طالع في المقدر جديد هو لفظ “سوفينير” حبيب قلبي دا بقى جديد قوي اعمل لحد شغل و يبدأ يطمع بعد مايشوف مستوى الشغل فيطلب اني اعمله شغل تاني و تاني و تاني فيوصل في الآخر ان الباكدج كبيره و انا عارف انه مش هيدفع كدا -على اعتبار انه بيتعامل انه هو ناصح فهيضحك على العالم و انا هتبعبص و اقوله كمان ارجوك- فنتحاسب فالاقيه بيقولي “ايه يا عم دا انت كنت عامل جا سوفينير و دا سوفينير و دا ككلام فاضي حط الظرف في جيبك و فل على كداانت راجل فنان و شغلك لا يقدر بالبتنجان”

طيب من الآخر عشان انا اتبضنت….

انا عقلي مش بأجره مفروش ولا إيجار جديد, انا اتكلمت عن اللي العشم نايكهم دول غير اللي الشيطان بعبصهم وفهمهم انهم اذكى من كل الناس و دا يديهم حق النصب و النهب في حقوق الناس بس مش هفسر عشان عارفين نفسهم!!!

*كلامي عن الشغل المتعلق بي كمصمم غرافيكس كجابر مش كـ “يساري مصري” واللي حاسس ان الكلام عنه يجيب الفلوس اللي عليه

حكاية عمال البريد

By: Gaber

08-06-2009

Activism, egypt street, Human Rights, Magazines, Marxist Theory, resistance, solidarity

The Socialist #34 جريدة الاشتراكي

By: Gaber

30-05-2009

Activism, Egypt, egypt street, G.A.S., Human Rights, Magazines, Marxist Theory, PDF, resistance

تجلّي تأثير الدومينو

By: Gaber

26-05-2009

Activism, Blogging, Egypt, egypt street, gaberism, Human Rights, resistance, solidarity

في ديسمبر اللي فات ووقت اكتساح الغضب لشوارع و حواري اوروبا معلنين غضبهم و سخطهم على الأنظمة الرأسمالية بعد شرارة مقتل الكسانر على يد احد الظباط في اليونان، انتشرت حركات التضامن و الغضب ضد كل الأنظمة الرأسمالية في جميع انحاء اوروبا بشكل ساحر، كتب الرفيق حسام الحملاوي مقال تحليلي عن احدااث الغضب اللي اكتسحت اوروبا محللها برمزيه جميله جدا “تأثير الدومينو Domino effect” …

الثورة لا تعرف حدودا جغرافية” هي مقولة يرددها النشطاء ويضربون المثل باليونان. فما إن بدأت مواجهات الشوارع في المدن اليونانية حتي انتشرت كقطع الدومينو التي تسقط واحدة بعد الأخري إلي جنوب وشمال أوروبا. فقام المتظاهرون البريطانيون باقتحام السفارة اليونانية بلندن وحرق العلم اليوناني بعد احتلالهم المبني، وتكرر المشهد في باريس وكوبنهاجن ومدريد وموسكو وحتي في تركيا العدو التقليدي للدولة اليونانية.
وفي إيطاليا أضرب الملايين من العمال والطلبة الجمعة الماضي وعمت المسيرات روما والمدن الأخري.ردت قوات الشرطة في مختلف العواصم الأوروبية بعنف علي تلك التحركات التضامنية، فشنت سلسلة من الاعتقالات وصفتها “الديلي تليجراف” اللندنية بـ”التصعيد الخطير للأزمة اليونانية” واعتبرتها مؤشرا علي حالة عدم الاستقرار السياسي التي تعاني منها دول البحر المتوسطي.

تأثير متوالية سقوط قطع الدومينو متجلّي بشكل رائع.. ففي يوم الأحد الماضي قام عمال النيل للأقطان بتصعيد إضرابهم الذي دام قرابة الشهر يالتظاهر امام مجلس الشعب، وبين اقتحام الأمن لإعتصامهم امام مجلس الشعب بعد إعلانهم مد الإعتصام و المبيت امام مبنى مجلس الشعب و إعادة الإعتصام اليوم التالي بعد ان اجبرهم الأمن على الإنصراف، إنتصر عمال النيل للأقطان بإلتزام رئيس مجلس الإدارة بدفع مرتبات العاملين كاملة بداية من شهر مايو دون انتقاص أي من الحوافز أو الجهود..

الأمر الملفت للنظرِ و اللي فعلا بيتجلّى فيه تأثير متوالية سقوط قطع الدومينو هو قيام عمال شركة النوبارية اليوم بالإعتصام في نفس المكان امام مبني مجلس الشعب للمطالبة برفع اجورهم… العجلة دايره و الخوف بيتساقط بنفس طريقة تساقط قطع الدومينوا و هيستمر التساقط في إنسيابية حتى الوصول إلى القطعة الأكبر في تشكيلة قطع الدومينو.

أمن الدولة يعتدي على عمال حلج الأقطان ويفض اعتصامهم أمام مجلس الشعب بالقوة

By: Gaber

25-05-2009

Activism, Art, egypt street, Human Rights, resistance, solidarity, strike

Nile Cotton Workers on Strike إعتصام عمال شركة النيل لحلج الأقطان

عن موقع مركز الدراسات الإشتراكية…

قام ضباط أمن الدولة وشرطة حرس مجلس الشعب اليوم بفض اعتصام عمال شركة النيل لحلج الأقطان بالقوة، والاعتداء بالضرب على الأستاذة فاطمة رمضان الباحثة بالمرصد النقابي العمالي واحتجازها بمقر بريد مجلس الشعب لمدة ساعة.
كان أكثر من 300 عامل من الفروع المختلفة لشركة النيل (المنيا، زفتى، الإسكندرية، كفر الزيات، المحلة، وإيتاي البارود)، قد أعلنوا اعتصاما مفتوحا اليوم أمام مجلس الشعب، احتجاجا على محاولة مالكي الشركة لتصفيتها وإهدار حقوق العمال. ويعد هذا الاعتداء هو الثاني من نوعه في أقل من أسبوع ضد عمال المحالج، ففي 16 مايو قامت قوات الأمن بالاعتداء على عمال مصنع المنيا المضربين والمعتصمين في مصنعهم، الأمر الذي أسفر عن جرح عاملين، وإصابة أحد العمال بأزمة قلبية.
يذكر أن عمال الشركة –حوالي 1000 عامل- معتصمين ومضربين عن العمل في مصانعهم، منذ 29 أبريل الماضي وحتى الآن بعد قرار رئيس مجلس إدارة الشركة السيد عبد العليم بخصم 4 أيام من أجور العمال بدون أي مبرر. ويعد الإضراب الحالي هو الثاني للعمال في أقل من عام، بعد الإضراب الأول الذي نفذوه في يوليو الماضي احتجاجا على خطة مالكي الشركة لتطفيش العمال وتصفية المصانع لبيعها في هيئة أراضي عقارات، حيث عمدت الإدارة إلى تأخير صرف أجور العمال منذ أكتوبر الماضي، هذا بالإضافة إلى الامتناع عن صرف العلاوة (30%) التي حددها رئيس الجمهورية في مايو 2008، والعلاوة الدورية (7%) التي يحددها القانون، وبعد مفاوضات تم الاتفاق على صرف العلاوة بواقع 10% فقط، ورغم ذلك تم تأخير صرفها حتى أكتوبر الماضي، لكن الإدارة استولت على هذه الزيادة مرة أخرى بأن أصدرت قرار في نفس الشهر بخصم 3 أيام من الأجور، ثم خصم أربعة أيام أخرى، الأمر الذي أثار غضب العمال ودفعهم لتنفيذ اعتصامهم وإضرابهم المستمر حتى الآن.
ومن المنتظر أن يذهب وفد من العمال غدا لحضور جلسة مجلس الشعب التي ستناقش فيها قضيتهم.
يشار أن شركة النيل لحلج الأقطان تم خصخصتها عام 1997، ويمتلك العمال نسبة 10% من الأسهم، والبقية لعدة مستثمرين.

الصوره للرفيق الرائع حسام الحملاوي و ممكن تتابعوا صور اكتر في صفحته على فليكر..

2nd of may strike – اعتصام 2 مايو

مصر.. الجزائر… خرا عليكوا

أه يا بلد لو التعريص سابك ميلائيلوش صدر حنين

فاروق حسني… عند امك

العشم

حكاية عمال البريد

The Socialist #34 جريدة الاشتراكي

تجلّي تأثير الدومينو

أمن الدولة يعتدي على عمال حلج الأقطان ويفض اعتصامهم أمام مجلس الشعب بالقوة

info

twitter updates

Subscribe to Blog via Email

(cc)

Archive