مهداة لنا و لقرب الموعد!!
Archive for the 'ثورة الأحا' Category
على مر التاريخ كان التعريص و مسح الجوخ للحكام من الحاشية امر معتاد!! يزداد او ينقص يأخذ اي منحى من مدح جمال الحاكم لشبابه و صحته و قوته في السرير او حتى شجاعته و قوته في ميدان الحروب و إن كان عمره لم يرفع سيف، وكلن كما اعتدنا فمبارك دائما مميز عن اي حاكم فهو الرب الراع وليس من البشر و إن هيئ لنا انه بشر…
سبق و وصلنا إلى الإيمان بالتعامل مع مبارك الإله قدر لاهوته و جمع من عباده المؤمنين اذكاره في كتابه “اسفار التعريص” و الذي يجمع اسفاراً في تعريصات المعرصين الدائبين في محيط لاهوته مبارك الرب، ولكن ما أتى به نبيل لوقا بباوى عضو مجلس الشعب فاق قدر ايماننا اجميعن … بل وفاق القدرة التعريصية للنفس البشرية لحاكم او رئيس ففي جلسة مجلس الشعب للإسبوع الماضي …
بكى نبيل لوقا بباوى، عضو المجلس، خلال الجلسة العامة، صباح أمس، وهو يقول إن «٨٠ مليون مصرى يشكرون الله لنجاح العملية» وطالب بباوى شيخ الأزهر ووزير الأوقاف والبابا شنودة بأن يصلوا من أجل الرئيس، واصفاً عدله بأنه «وصل إلى عدل الخليفة عمر بن الخطاب». -المصدر جريدة المصري اليوم-
لا أملك القدرة على التعليق على بباوي فهو وصل إلى مراحل من التعريص يصعب لضعيفي الإيمان بمبارك الرب من امثالي ان يصفوها… انا مش بصدد الدفاع عن “عمر بن الخطاب” ولكن انا سعدت مسجلا اعجابي بقدرته التعريصية التي فاقت كل الحدود و الخيالات… و انا بطالب اي من اخواننا المحاميين اللي معندهمش شغل اليومين دول يرفعوا على بباوي جنحة ازدراء اديان، حيث ان بباوي بوصفه يسئ إلى مبارك و الذي هو بين الآلهة بملكوته ندور!!!!
و ها هي آية تعريصية أخرى تأتنا لتزيد ايماننا بمبارك و ترد على المدّعين و الذين كفروا و من اتبعهم، فقد خلق مبارك الرب شيماء الحداد رسامة الكريكاتير التعريصي من ضلع بباوي لتتحفنا برسمة تعريصية جديدة فاقت في تعريصها مصطفى حسين و احمد رجب مجتمعان…
تحديث:
انا قررت اني اروح وقفة بكرا و اللي عنده فكرة لأي تحرك اكتر ايجابيه و فعالية يجي و يعرضه على الناس، و انا لسا عند موقفي اني رافض و مبضون من وقفات السلالم!!! ويسقط العرص بجداره…
بكرا في وقفه على سلالم نقابة الصحفيين للتعبير عن رفض جدار العار… انا مش بكتب عشان ادعوا ليها ولا بقول متروحوش اللي عايز يروح في حته يروح بس انا مش هشارك في وقفة ساعه على سلالم النقابة اقابل فيها صحابي اللي مشوفتهمش من فتره اشرب سجاره و اتريق على العيال بتوع سته ابريل شويه و يمكن اهتف هتافين و اروح و كان الله بالسر عليم!!!
انا اتكسف قوي من اني اعمل كدا بعد ماشوفت وعلى سبيل المثال تحرك الشباب من التجمع اليساري من أجل التغير مع “الحزب الشيوعي اللبناني” بالتظاهر و الإعتصام امام السفارة المصرية من شهر تقريبا و تعرضهم للضرب على ايدي الجيش اللبناني و قوات مكافحة الشغب… وهاهم بيجددوا دعوتهم تاني للتظاهر امام السفارة المصريه للتعبير عن رفض جدار العار، مش بس كدا و بيحشدوا من أجل طرد المقاولين العرب و القائمه على بناء الجدار…
و ارجع ابص على رد الفعل من النشطار و التيارات المصريه عشان الاقيهم بيقولوا تعالوا نقعد على سلالم النقابة في التراوه شويه!!! انا مش بزايد على حد ولا دا اسلوبي… بس انا بقول خلينا عقلانيين و نخرج من حيّز سلالم نقابة الصحفيين اللي مش فاهم اصلا سبب عقلاني للتوجه ليها و احنا ليل نهار بنسب الدين للصحافة المصرية اللي مبقتش صحافه اصلا!!!
طيب عشان محدش يقول يافالح طيب ماتقول فكره بدل منت بتكسر في مجاديف الناس … انا بقول انه ممكد جدا نرتب و نحشد للتحرك امام معامل و المكتب الرئيسي للمقاولين العرب في مصر وهو في مدينة نصر على طريق الأتوستراد … دا اكيد هيكون احسن و فعّال اكتر بكتير من الوقفه على السلالم!!!
حاجه اخيره حابب اذكرها اننا داخلين على سنه صعبه ومهم اننا نفوق لنفسنا فيها لأنه لو هيكون كل مجمل تحركات المعرضه و النشطاء في مصر هو وقفات على السلالم يبقى منزعلش لو جمال مبارك ركبها و دلدل رجليه!!!
25
Jan
الَي شُرطة عينه تجنن !!!
بعد انتهاء النيابة من التحقيق مع جزء من النشطاء اللي كانوا في طريقهم لتقديم واجب العزاء لآهالي نجع حمادي من الأقباط و تم اعتقالهم من محطة القطار و احتجازهم في مديرية امن قنا بدون اكل او شرب من اول اليوم… عنف النظام مش مُستغرب ابدا خصوصا و احنا داخلين على سنه هتشوف احداث كتير و مهمه و متوقع عنف من النظام اشبه بعنف الأنفاس الأخيرة!!
الحاله كلها عبذية من اول القبض على ناس رايحه تعزّي للتهم اللي تم توجيهها لهم لإبقائهم حتى الليل و بياتهم في الحجز لتاني يوم لإستكمال التحقيق…
انا شخصيا بتوقع انه الفتره الجايه مش هتكون سهله بأي شكل من الأشكال و دائرة الإعتقالات هتكون اكبر و عنف النظام هيكون اكبر لقمع اي تحر مناهض و طالما النظام لا يتكبّد اي ثمن لإعتقالاتهم وتعديّاتهم المستمره على النشطاء و المواطنين بشطل عام يبقى هنشوف اعتقالات و تعديّات اكتر و اكتر!!!
05
Jan
وادى حكمه بالفصحى
هشام طلعت مصطفى برئ و احمد زكي بدر وزير تعليم و مسعد ابو فجر مُعتقَل!!…. اشخري يا مصر و قولي احه يا كسي!!!
يا شعب فوق واصحى ..
واقرا وقول أحَّه ..
دحنا بقالنا قرون ..
عايشين فى عيد “أضحى”
والدبح على ودنه ..
وبكره على ودنك ..
وبعده على ودنى ..
غنم يا ناس بالدور
وكله فى الطابور ..
امبارح كانت آخر تخريفات الرئيس المتهاوي في تخرفات الشيخوخة بتعيين احمد زكي بدر وزيرا للتعليم، و الخبر اللي مش قادر اصدقة حتى الآن فأحمد زكي بدر ابن احد المجرمين وهو زكي بدر وزير الداخلية السابق و المعروف بإشتراكة المباشر و الغير مباشر في التعذيب و الإذاء البدني للمعتقلين السياسيين في فترة الثمانينيات و المعروف ايضا بسلاطة لسانة و دمويته… الأمر اللي مختلفش كتير مع ابنه أحمد زكي بدر و اللي معروف بسلاطة لسانه و تهجمه على طلبة جامعة عين شمس بدوره رئيس للجامعة و تآمره عليهم بإدخالة لبلطجية الداخلية لممارسة ارهاب داخل الجامعة ضد الطلبة الرافضين لزيادة المصاريف… دا نبذه صغيرة عن زكي “سنجة” كما يسميه طلبة جامعة عين شمس ابن الرجل الأكثر دموية و سلاطة لسان في تاريخ مصر المعاصر -ينافسه حبيب العادلي- ولكن ممكن معرفة الأكثر عن أحمد وزكي بدر في ملفهم في مدونة التعذيب في مصر و ملف زكي بدر في مدونة طلاب جامعة عين شمس…
فيديو يظهر أحد تحركات زكي سنجه داخل جامعة عين شمس و إدخاله لبلطجية الداخلية لضرب و إيذاء الطلبة داخل الحرم الجامعي
دلوقتي دا هو تاريخ وزير التعليم القادم، التعليم اللي هو اصلا اصلا خربان و معندناش منه فبعد ما البلطجي دا يكون مسؤول عن تربية و تعليم اطفال و شباب المصريين يبقى يا حلاوه – قال يعني من قبله كانت نافعه خربانه خربانه- ولكن حقيقي مبارك من الواضح ان الشيخوخة عصفت باللي باقي من عقله و انا عن نفسي اتمنى انه نحجر عليه بإعتبارنا ابنائه و مراته ماما سوزان تبقى امنا في الرضاعه!!
لأحمد زكي بدر مني كلمتين قالها العظيم اللي لباسه برقبة زكي بدر و اللي جابه…
“وزير من الوِزر .. مش صدفه ولا تلفيق.. هاتولى واحد نزيه وشريف ويبقى وزير”
نجيب سرور
30
Dec
نظام مبارك مهم لهم !!!
وردت على لسان عاموس جلبوع رئيس قسم الأبحاث الأسبق فى شعبة الاستخبارات العسكرية الإسرائيلية، وهو يمينى متطرف يكن عداء واحتقارا شديدين للعرب عامة والفلسطينيين بوجه أخص، لكنه من أشد المتحمسين لتوثيق العلاقة مع مصر، ويعتبر أن اتفاقية كامب ديفيد أهم حدث بعد تأسيس الدولة العبرية. هذا الرجل اشترك فى برنامج حول وضع إسرائيل الاستراتيجى فى العام الجديد، جمعه مع عدد من المستشرقين وبثه راديو تل أبيب فى 18/11 الماضى. وكان مما قاله النص التالى: إن العلاقات مع مصر تمثل أهمية كبرى بالنسبة لإسرائيل. والمتابع للسياسة المصرية يلاحظ أن نظام الرئيس مبارك خرج عن طوره بسبب مباراة كرة القدم بين مصر والجزائر، حتى أصبح يهدد بقطع العلاقات الدبلوماسية بين البلدين. لكنه ينتهج سياسة مغايرة تجاه إسرائيل. فإلى جانب التزام النظام المصرى الصمت عندما قمنا بحملة (الرصاص المصبوب) ضد غزة مؤخرا، فإنه وفر الأجواء لاستمرارنا فى الحملة، رغم سقوط المئات من الفلسطينيين، كما أنه منع أى تحرك عربى لصالح الفلسطينيين خلال الحرب (يقصد إفشال مصر لمؤتمر القمة الذى دعت إليه قطر).. وفى أحيان عدة يتم قتل جنود مصريين (بواسطة الإسرائيليين) ممن تواجدوا بالقرب من الشريط الحدودى، لكن الحكومة المصرية لم تقم بأى إجراء. وهذا يدلل على وجوب تحقيق إجماع داخلى حول استراتيجية العلاقات مع مصر. وفى الوقت ذاته يجب أن نحث جماعات الضغط اليهودية وأصدقاءنا فى الكونجرس، لعدم الضغط على النظام المصرى فى كل القضايا الأخرى. ويجب أن يعلم الجميع أن نظام مبارك مهم لنا، ويجب توفير الأجواء المواتية لضمان تشجيع كل الذين يسيرون على خطاه».
ايون الأنبياء لا يظهرون على شاشات اليوتيوب في امر واقع كدا زي كون الملائكه لا تشاهد الأفلام الإباحية*… ماهو اصل لو الدعوة للإيمان بربنا بقت 2.0 يبقى ربنا دا بيهزر الصراحة، الحكاية كلها على بعضها بالنسبالي تحولت لفيلم كوميدي -اصل انا بقيت بحوّل اي حاجه تبضنّي إلى موقف كوميدي عشان اضحك بدل ما اعيط- و بذكر الكوميديا مقدرش اسكت عن ذكر حبيبي الكوميدي الأكبر الرئيس المؤمن!!!
بص شوف العدرا بتعمل ايه!!… هو دا كان هتاف الناس قدام الكنيسة لما طلعتلهم اللمبه الفروسنت اللي حركت مشاعرهم نحو الثالوث المقدس من جديد لتنير قلوبهم بالإيمان و تطيل بالهم على البلوى ايا كانت ايه هي، مبدأيا انا لو ياسمين حمدان ظهرتلي على لمبه فروسنت مش هقف اهتفلها بص شوف العدرا بتعمل ايه.. فمابالك بالعدرا اللي هي عدرا؟!!…
انا مش متحمس لفكرة اني اقعد احلل ميتافيزيقية الضوء الساطع فوق قبة الكنيسة و الذي هو ترائي للعدرا كما قالوا يعني ميهمنيش اني انكر او اثبت دا بس هو مش العدرا طلعت الساعه واحده الصبح؟ وهو الساعة واحده الصبح في الشتا بيكون في جمهور في الكنيسه بيعمل ايه؟ دا وسط البلد بتكون فاضيه من الساعة 12!!! مش عارف بس حبيت قوي فكرة انه العدره من الساعة واحده لتلاته الصبح تترائى تنور و تطفي زي حسناء المولد و حط اللمبه على وركه ينور على جسمه ينور…
الأحلى بقى هو الجولة اللي اخدتها في اليوتيوب بعد فيديو ظهور العدرا، فعلاً لكلٍِ ليلاه اللي ليلاه بتنور في الضلمه و اللي ليلاه منقوشه… فتلاقي السلمين –السنه- يظهر شيخ من شيوخهم على احد القنوات شايل حبّة لب و يكاد يبقى من فرط الإيمان و التأثر وهو يظهر “لا إله إلا الله” محفورة على قشرة اللبة، و الشيعة في يوم كربلاء يصورون واحد من المحتفليين ويقولوا انه الإمام عليّ، و الأحلى هو ظهور السيدة زينب من مقامها اللي في سوريا باب المقام يتفتح يطلع منه قماشه بيضاء فيهلل الجمهور!!! طيب انا ليه انا كمان معنديش حاجه بتنور و تطفي في الضلمه؟!!
تحديث: العدرا الآن تظهر من جديد بكنيسة بشبرا وفقا لمراسل برنامج 90 دقيقه اللي اتصل قائلا “معتز العدرا ظاهره يا معتز و شايفها بعنيا و الستات بتزغرد”!!!
*الملائكة لا تشاهد الأفلام الإباحية هو عنوان ديوان شعري لصديقي الشاعر المُلهِم طلال فيصل
