٦ أكتوبر

06-10-2009

Activism, Anti-Mubarak, Anti-Sadat, Art, Blogging, Egypt, G.A.S., gaberism, resistance, zionism

BEST EARTH WARRIORS -acrylic on canvas 50 x75- by ~bassemhany

في حياة الشعوب لحظات ضعف و قوة، اخطاء و مواقف عظيمة.. وجرى العرف انه بعد الإنتصارات او الهزائم بيكون الموقف إما الوقوف للحظة بعد الهزائم لمراجعة الأوراق و محاولة التعلم من الأخطاء اللي حصلت و إعادة صياغة الأولويات و كل التفاصيل اللي المفروض انها تخليهم يعني يتعلموا من أخطائهم. أو في حالة النصر انه بيتم دراسة النصر و البناء عليه لتكلمة الطريق و استغلاله بكل طريقة ممكنه لنشر اللي بيقولوا عليه روح النصر… ولكن و الحمد لله و لأننا دائما في الصدارة و منفردين بكل ماهو جديد احنا الشعب الوحيد يمكن في تاريخ الإنسانية اللي بيمتد لآلاف السنين اللي قدر انه يسخّف انتصاراته!!!

انا عشان مكرهش انتصار و يوم زي يوم 6 اكتوبر انا حاولت افصل الحكاية لحاجتين، 6 اكتوبر الشعب و 6 اكتوبر الحشاشين. بمعنى انه اللي على مر السنين استشهدوا و دفعوا دم في رملة سينا عشان يجي يوم بس يقدروا يرفعوا فيه راسهم بكرامة قدام صهاينة مغتصبين اراضيهم دول ليهم مني كل احترام و تقدير و تقديس لأنهم دفعوا كتير و كتير قوي عشان يجي يوم يشوفوا فيه الصهيوني مذلول و ارضه بترجعله. أما 6 اكتوبر الحشاشين فهم ببساطه و بدون تفاصيل لأنه لا دا وقتهم ولا مكانهم فهم اللي باعوا دم الشهداء بحشيشة شربوها و عليت في دماغهم و اتلطشوا فبعبع لسانهم بكلام الخرا انضف منه و كانت النتيجة ضياع دم اللي ضحّوا.

وطلعا لو هنذكر 6 اكتوبر فمننساش تمثيل السينما و الدراما بإنتصار اكتوبر و بجسامين الشهداء خلال سلسلة من اسخف و اقذر ما انتجته السينما عبر تاريخها من اول (الرصاصة لا تزل في -طيزه- جيبي) إلى (ابناء الصمت) و غيرها من السخافات اللي حاولا يقنعونا انها تسجيل لتاريخ شعب طلع دين امه عشان يستعيد ارضه، ولكن المشكله مش بس في سخافة المنج اللي قدمته السينما لتأريخ حدث هام في تاريخ مصر زي 6 اكتوبر لأ دي تسببت في كره شخصي لهذا اليوم اللي بيتم إمطارنا فيه بمجموعة لا نهائية من الخرائات و التابوهات اللي فعلا كرهتني في يوم زي دا… فعلا معتقدش انه في تاريخ اي امه في ناس بتسخف بأمجادها زي ماحنا عملنا و بشكل فج و قذر!!!

خلاصة القول لو هنالك من يستحق الشكر و الإحتفال في يوم زي يوم 6 اكتوبر فهيكون احنا المصرين الشعب الغلابة اللي استشهدوا و قدموا حياتهم تمن للحرية، و يستثنى من اي شرف او شكر او عرفان او اي احاسيس إيجابية الحشاش الأكبر (محمد أنور السادات) و اللي باع الشهدا في قرش حشيش خلها ارتكب جريمة اسمها كامب ديفيد، أو الرب الإله القابع على صدورنا (محمد حسني مبارك) و اللي بكل حرفية كمّل على طريق من سبقه في بيع الأرض و الناس للصهاينه!!!

حاجه أخيرة بس لأنه اليومين دول انا ملاحظ حاجه فقعاني فالشئ بالشئ يذكر يعني!! في دعاوي طالعه في المقدّر جديد لنشر “الحب” و كفايه مقاطعة و قلة أدب و يلا بينا نحب بعض عرب و صهاينه و نتحاور!!! مش هعلق او ارد عشان مش طالبه معايا قلة أدب دلوقتي ولكن أمل دنقل عنده الخلاصة…

لا تصالح
لا تصالح على الدم .. حتى بدم!
لا تصالح! ولو قيل رأس برأس!
أكل الرؤوس سواء؟
أقلب الغريب كقلب اخيك؟
أعيناه عينا اخيك؟
وهل تتساوى يد .. سيفها كان لك
بيد سيفها أثكلك؟!
سيقولون:
جئناك كي تحقن الدم..
جئناك. كن – يا أمير- الحكم
سيقولون:
ها نحن أبناء عم
قل لهم: انهم لم يراعوا العمومة فيمن هلك
وأغرس السيف في جبهة الصحراء..
الى ان يجيب العدم
انني كنت لك
فارسا
و أخا
و أبا
وملك!

اللحّاس

By: Gaber

03-10-2009

Activism, Anti-Gamal Mubarak, Anti-Mubarak, cross post, Egypt, gaberism, resistance, ya3333, ثورة الأحا

large_17103

تكملة لسلسلة فضح اللحاسين اراجوزات مبارك… فبعد مصطفى بكري الأراجوز نقدم لكم عبد الله كمال اللحّاس سيد لحّاسين بلاط النظام ولا أجمل من رد الأستاذ جلال عامر عليه في مقاله…

بعد الرقص بالعصا أصبح عندنا الرقص بالقلم.. ويقال فى الشعر إنها تجربة خاصة تحولت إلى عامة، وعبدالله كمال بالنسبة لى كذلك، فالرجل منذ شهر يشتمنى فى جريدته ربما بمناسبة ذكرى حرب أكتوبر التى شاركت فيها..
ويركز الرجل فى هجومه على أننى تجاوزت الخمسين وهى السرعة المقررة والمعايرة بالسن هى تيمة اخترعتها الراقصات، رغم أنه شخصياً يتزلف لرجال معظمهم تجاوزوا الثمانين، لكن يبدو أنه يخصم من أعمارهم أيام الجمع والعطلات..
كان اعتراضى هو ألا يستفز الشباب العاطل بتعيين أخيه مساعداً لرئيس تحرير «روزاليوسف»، وهو صبى غير مؤهل تشفق عليه، والرذاذ يتطاير من فمه إلى وجه المذيعة، ويقول جملة ثم ينتفض بطريقة مضحكة تذكرك بأنه شقيق عبدالله كمال..
وكانت وجهة نظرى أن «يعول» هذا الشعب المسكين واحداً فقط من عائلة كمال ويبحث الثانى عن آخر يكفله، فلا يمكن أن تكون الضرائب مصلحة عبدالله كمال أولاً ثم مصلحة أخيه ثانياً، ثم نكثر من باقى الأخوة على أساس أنهم خير أجناد الأرض وتتحول المجلة إلى الحجم العائلى، ولكن هذا بلد مستباح، مكتوب على شعبه أن يدفع من عرقه ثمن نفاق حكامه..
عاشت «روزاليوسف» عصر «عبدالرحمن الشرقاوى» مع «صلاح حافظ» وتعيش الآن عصر «المفتش كرومبو واللى واقف جنبه».. بلاش أنا يا عم عبدالله وخليك فى الأستاذ هيكل فهو لا يرد على أمثالك، لكن أنا ممكن أبعت لك الباتعة الكيكى تفهمك إنك خربت المؤسسة وإنها مش تكية وإنها لن تدفع لك الضرائب ثم تحجز على الكرافتة، وممكن جوزها التيحى يتهور ويسألك بتتكلم عن الأعمار ليه؟ هى الأعمار بإيدك؟ لو الأعمار بإيديك على رأى بيرم التونسى تعالى خد عمرى..
مرت «روزاليوسف» بأطوار كثيرة وهى الآن فى الطور الأخير.. عبدالله كمال لا يصلح أن يكون واجهة نظام ولا حتى واجهة محل، فكما كرَّه الناس فى النظام سيطفش الزبائن من المحل،
وعلينا أن نبحث عن أفضل استخدام له مع الاحتفاظ بحقوق أخيه بدلاً من قضاء وقته فى قذف المارة فى شارع قصر العينى بالطوب.. سمعنا عن الحج على نفقة الدولة والعلاج على نفقة الدولة، لكن أول مرة أسمع عن عبدالله كمال على نفقة الدولة وأخيه على نفقة الشعب.

إلى مبارك الرب الذي بالسماء

By: Gaber

28-09-2009

30 February, Anti-Mubarak, Art, Blogging, Egypt, G.A.S., gaberism, My Gallery, resistance, ya3333, ثورة الأحا

انه خارق لقوانين الأرض و الأديان السماوية… مبارك الرب الذي على العرش استوى لا يموت. مات جميع من بالأرض و اصيب الباقون بأمراض الشيخوخه و مبارك قائم لا يموت كقضيب ذكر النمل منتصب هش متجه نحو مؤخراتنا جميعا…
ايا أيها الرب الذي في السماء الا تتنحى او تسمح برحمتك لملك الموت ان يزورك ولا يخطأ هذه المرة؟!!

عزيزي الرب مبارك انتظر مناجاتي و قرابيني شكرا لوجودك فوق مؤخراتنا لـ 28 عام متوالية…

Revolt

By: Gaber

15-08-2009

Anti-Mubarak, Art, Egypt, G.A.S., gaberism, My Gallery, resistance

إرث الرئيس المؤمن

By: Gaber

19-06-2009

Anti-Mubarak, Anti-Sadat, Art, Egypt, G.A.S., ya3333, ثورة الأحا

ألِف

اعتصام لنشطاء على معبر رفح المصري

By: Gaber

18-06-2009

Activism, Anti-Mubarak, Egypt, Gaza, Human Rights, International Actions, palestine, resistance, solidarity, zionism

مجموعة من النشطاء من جنسيات مختلفة معتصمين امام معبر رفح من يوم الخميس الماضي و عددهم 26 من جنسيات مختلفة، اعتصامهم على معبر رفح هو للضغط لفتح المعبر و السماح بدخول البضائع و المساعدات للجانب الفلسطيني في غزة، هم مخيمين امام المعبر مباشرة لا يغادروه… في بداية الاعتصام دايقهم الامن، قفل الكفتيريا بتاعة المعبر عشان يقطع امداداتهم من الاكل و الشرب و عشان يقفل الحمامات برده، و فضلوا كده تقريبا يوم بس فتحوها بعدها لما بدئت فكرة الاضراب عن الطعام، هم الآن مضربين عن الطعام بقالهم يومين… كمان كان بيضغط عليهم بتهديدات من نوع المنطقة دي منطقة مغلقة و حنمشيكم بالقوة.. لكنهم حاليا تركوهم تماما..
امبارح كلموا سفاراتهم عشان يعرفوا اي تطورات خصوصا عشان المضربين عن الطعام اللى معاهم، السفارات قالتلهم الموضوع مالوش اي علاقة باسرائيل عشان نضغط عليها، الموضوع كله تنفيذيا في ايد الحكومة المصرية فمنقدرش نعملكم حاجة، مطلوب دعم اكبر ليهم بنشر الموضوع و صور اللإعتصام ولو محتاجين تفاصيل اكتر او ارقام حد من النشطاء هناك للإتصال بيهم ممكن تقولولي و انا هديهالكوا لأني مش عارف ممكن احط ارقامهم علنا على المدونه ولا دا يزعجهم على العموم مطلوب دعم بتوسيع دائرة نشر اخبار الإعتصام…

*ممكن الضغط على الصورة اعلاه للوصول إلى صور اكثر للإعتصام او الضغط هنا..

مبارك.. متهالِك.. ممكن يعملها؟

By: Gaber

18-06-2009

Activism, Anti-Mubarak, Egypt, gaberism, Human Rights, ثورة الأحا

مش حابب اكتب عن اللي بيحصل في ايران و اقعد انظر و اضيع وقت و مجهود في الخناق على إن كان اللي في ايران هو ثورة شعبية او حركة لمجموعة من الطبقيين ناس شايفاها كدا وناس شايفه كدا و انا مش مهتم بأي من الرأيين ولا اعتقد ان الشعب الإيراني نفسه اللي ماشي في الشارع بقاله اسبوع بأعداد مليونيه مهتم انه يعرف رأيي او تنظير غيري، وكذلك مش هكتب عن ماتش المنتخب مع البرازيل و اللي انتهي بالخسارة المكسب 4-3 بعد عرض معفن لحسن شحاته و المنتخب قدام منتخب الجزائر في الأدوار التأهيلية لكأس العالم مش عشان انا اصلا مش بحب الكوره و مش مهتم إن روحنا كاس العالم او روحنا آخر عمرة ولكن لأن الحدثين دول كانوا هما مدار حديث و اهتمام كل الناس في الأسبوع اللي فات في الفضاء السيبري بمختلف مساحاته، في الوقت اللي انا شايف فيه ان البلد في وضع حرج و مخيف جداً!!!

من حوالي 8 ايام طلع مبارك في لقاء مع التليفزيون المصري وهو في حالة اكثر من مزرية وبشكل فاق توقعاتي عن تمكن الشيخوخة و المرض منه، اللقاء اللي مدته كانت تقريبا 30 دقيقة و اللي محدش قدر يفهم منه معلومة واحده او رسالة يوجهها مبارك للشعب غير انه طالع يقولنا انه عايش و غيابة عن استقبال اوباما في المطار مش لأنه مش قاجر يتحرك، مبارك ظهر في حالة غاية في التدني تركيز منعدم، تنفس سريع و غير منتظم غير جلد وجهه اللي وضح عليه العجز و الزمن، المشهد مكانش مضحك لظهورة بالحالة دي بالعكس و غباء شديد من الإدارة اللي بتفكرله -مبا ان حالته دي لا توحي ابدا بأن به عقل قادر على اتخاذ قرار- انهم يظهروه على التليفزيون الرسمي بالحالة المزرية دي لأنه لو اثبت شئ فأثبت ان الشيخ البالغ من العمر 82 سنه واللي بيحكم مصر طوال اسود 28 سنة من تاريخها ما هو إلا مجرد جثمان ميت و غير قادر على التركيز في حديث تيلفزيوني لأكثر من 5 دقائق!!

المشهد مخيف جدا خصوصاً و انه في الأيام اللي فاتت بدأت تنتشر “إشاعة” او خبر غير مؤكد صحته عن رغبة مبارك في التنحي بعد انتهاء الأجازة البرلمانية و تشكيل المجلس الجديد، و المخيف في الأمر ان المطروحين على الساحة لخلافة مبارك هم عمر سليمان او الوريث جمال مبارك الوريث متوقع من فترة كبيرة اما عمر سليمان فظهورة بقوة في الصورة الدبلماسية مؤخرا بيخليه من المتوقع ان يكونوا من المرشحين للرئاسة في حالة التصديق بنسبية قوة خبر تنحي مبارك، و إن كانجمال او سليمان فمن العسكري للوريث يا قلبي لاتحزن، ولكن و إن صح خبر تنحي مبارك فبتمنى حاجتين يحصلوا… الأولى ان بعد تنحي مبارك عن الحكم و تحوله مواطن مصري يتم تقديم طلب للنائب العام بمحاكمته و محاسبته على 28 سنة من القهر لمصر، الثانية ان يكون في انتخابات بجد حتى ولو كانت نتيجتها ان العفريت هو اللي هيحكم البلد بس يكون العفريت دا جه بإختيار الناس بجد لأني مؤمن بمنطق بسيط “اللي بيجي بالديمقراطية بيمشي بالديمقراطية”، حابب اعلن تخوفي و اللي اعلنتقه مسبقاً قدام صديق عزيز علي قوي انه لو الإنتخابات سواء التالية لتنحي او إنتخابات الرئاسة القادمة لو مكانتش انتخابات بجد و تم تكويسها زي اللي سبقوها و الناس في الشارع ايضاً تقبلوها زي ماتقبلوا اللي سبقوها، موعدش نفسي ان رد فعلي هيكون إيجابي بأي شكل من الأشكال و ممكن يمتد بسلبيته لأني اسيب البلد لأني مش هقدر اعيش باقي حياتي تحت إحباط وقمع وريث او حاكم عسكري فاسد.

مبارك وجه الموت

By: Gaber

07-06-2009

Anti-Mubarak, Blogging, Egypt, gaberism, Radio, resistance, ِAhmed Sherif, ثورة الأحا

مبارك وجه الموت

الصورة لريسنا حسني مبارك مع الموزز الأمريكاني الأسمر الجديد اوباما، اعتقد انه واضح انا عايز اقول ايه من الصوره شويه… من الواضح ان حسني وصل لمرحلة من العجز و التقدم في السن غير مسبوقه للإنسانية، انا مش هتريق خالص عن المنظر اللي اشبه بالأموات الأحياء -zombies-دا طبيعي لشخص عنده 82 سنه و بيعيش بالحقن و الأدوية الخاصه -كما تذكر الاساطير الشعبية في الشارع المصري- لتجعل وجهه مبقى على جلده… انا بجد مش هقول يسقط يسقط ولا يصعد يصعد ولا همارس ايا من قلة ادب الشعب اللي مترباش دي انا اخاطبه بشكل اكثر جديّه، هل من الممكن ان بلد زي مصر يا ريس يحكمها و يتحكم في لقمة عيش اهاليها مسن عمره 82 سنه تضرب الشيخوخة بعصاها على رأسه كل صباح؟!!! مصر مهياش دوله صغيره احنا 85 مليون مصري و أكثر -طبعا هو تلاقيه لسه فاكرنا 70 مليون لأن مخه توقف عن الإدراك من 10 سنين-، انا خطابي دلوقتي لكل محبي النظام لكل شباب الوطني و لكل مريدي مبارك حول مصر -وانا اناديهم بأسمائهم بأدب على غير العادة- مصر بلد ينفع يحكمها مسن عمره 82 سنه؟؟؟

بالرجوع للأطباء و للإحصائيات المتعلقه بصحة الأفراد، انه متوسط عمر الأنسان على كوكبنا بينخفض يعني بينزل لمتوسط ال55 سنه لمدى التدهور البيئي اللي عايشين فيه و اللي بيأثر بالسلب على اعضاء الإنسان، خلينا نقول ان مبارك خارق للعاده وراجل رياضي و بيهزها كل يوم عشان يجري الدوره الدمويه جوا جسمه، من المستحيل ان تقود القدرة العقلية لمخ سيادته وهو 82 سنه هي القدرة الكافية لإدراك الخطأ من الصح لو لم تكن لإدراك من حوله، انا مش بتكلم عن فساد مبارك و عشان كدا مش بقول يسقط مبارك انا بتكلم عن حاجه طبيعيه انت عجّزت يا حسني بلغت من السن عتيا و اصبحت غير صالح لحكم مصر ولا لحكم قرية من قرى الصعيد واللي هي مش على الخريطة بص لنفسك في المراية و قول كفايه كدا علي و عيشلك السنه ولا الأتنين اللي باقين من عمرك مع حفيدك اللي فاضلك و مع جمي و ديجه يمكن ربنا ينفخ في صورته و يعرف يجيبلك عيل تلعب فيه.