“للشك حلاوه زيه زي الايمان، بس الشك ميزته، انك بتحس بنعمة المعرفة، مش بنعمة الاطمئنان”

بودا

لو كانت حلاوة الشك المعرفه و انك ديما روحك بتكون في حالة بحث دائم على الحقيقه اللي تؤمن بيها فنقمته هي فقدان الإطمئنان و دا مش سهل و متعب قوي يمكن فوق ماكنت اتصور في يوم من الأيام، بيزيد لدرجة الإحساس بعبثية كل حاجه بتعملها في حياتك من اول الطرطره حتى الشغل و تحقيق النجاحات، لهرب النوم او حتى السكينة مع النفس و اللي اي انسان بيحتاجها عشان يقدر كل يوم الصبح يبدأ يومه، معتقدش ان اللي حاسه ليه ادنى علاقة بإكتئاب او رتابه بتدخل حياتي بالعكس انا على مستوى الشغل بحقق كل يوم نجاح جديد بيتخطى توقعاتي لنفسي و على المستوى الإنساني انا اجتزت فتره كانت صعبه و لي اصحاب ولا كنت اتمنى احسن منهم في حياتي، ولكن وفي اللحظة الآنية بينقصني و بشدة إطمئنان المؤمن و بلعن سلسفين ابو عقلي اللي مش عايز يقتنع بالهلاميات و يعيش زي اللي عايشين و خلاص!!!