لوضع النقاط على الحروف.. أول ما عرفت عن خبر وفاة محمد علاء حسني مبارك ليلة أمس كان رد فعلي واحد، اني و بكل جوارحي لا أشعر او أشارك اي نوع من مشاعر التعاطف او الأسى لعائلة الفقيد الولد توفي و يتولاه اللي خلقه و لا تعاطف مع اياً من عيلته!!! في 28 سنة حكم لمحمد حسني مبارك لبر مصر في كام مليون طفل مصري توفى من المرض الفقر او التعذيب في أقسام الشرطه؟ طيب كام طفل دفن تحت الدويقه؟ و كام طفل غرق في العبّاره؟ و كام طفل اتحرق في قطار الصعيد؟ طيب و كام طفل من أطفال الشوارع سرقت اعضائهم و رميت جتتهم في الشوارع؟!! دول بيقطعوا قلبي و بتعاطف معاهم فآسف مقدرتش اتعاطف مع عائلة “الفقيد”.. كان هذا للتوضيح في بداية الأمر لوضع النقاط على الحروف قبل منطلع سوا على الخراء المتناثر!!!
اللي زوّد الطين بلّه و استفز مشاعري لأقصى الحدود و مخليني حاليا و انا بكتب التدوينه دي هو اللي حصل انهارده، أعزائي المشاهدين لو انتوا قاعدين في مدرجات الدرجة التانيه هتلاقوا معرّصين على يمينكوا و معرصين على شمالكوا.. ولو انتوا قاعدين في مدرجات الدرجة التانيه هتلاقوا منافقين فوقيكوا و منافقين من تحتيكوا –لامؤاخدذه-.. ولو انتوا قاعدين في المأسورة الرئيسية فغالباً انتم من المعرصين و المنافقين أنفسهم!!! انا كنت متوقع اني هصحي انهارده الصبح الاقي عبد الله كمال رائد كتيبة المنافقين كاتب مقال مثلا بيشيد فيه بدور الفقيد الشهيد في الضربة الجوية ولكن اللي حصل من الإعلام بشكل عام فاق تصوراتي فعلا!!.. القنوات الرسمية للتليفزيون المصري الأولى و الثانية تذيع قرآن كريم و كذلك مجموعة قنوات النيل و معهم في نفس الوقت مجموعة قنواة ميلودي و مجموعة قنواة الحياة و قناة كايرو سينيماو كذلك إذاعاة الراديو في بر مصر اعلنت الحداد الرسمي على روح الفقيد!!، سيمفونيا نفاق على إيقاع التعريص بمصاحبة ميلزودي ربع تون تلحيس لعبها الإعلام على روح الفقيد…
ننتقل من النفاق التعريص و التلحيس إلى إستفزاز مشاعر البشر.. 630 هم ضحايا حريق قطار الصعيد و اللي جثثهم تفحّمت و كان بينهم نساء و أطفال، 500 هم ضحايا كارثة الدويقه و اللي تحولت لمقبره جماعيه فوق الجثث، 1200 هم ضحايا العباره السلام و اللي انتهى بيهم الحال في بطن البحر ينهش جسامينهم السمك.. حد من دول اتخصصله نص ساعه قرآن كريم “كنوع من انواع المشاركه و المسانده بين الشعب المصري الطيب الحنون؟” لأ طبعا لأن اللي ماتوا دول مفيهمش حفيد للريس يبقوا ولاد كلب ميساوش يموتوا و يندفنوا ولا انشالله مندفنوا ولا حق لهم عندنا. محمد علاء مبارك جنازته كانت عسكريه ملفوف في علم مصر بأي حق تكون جنازته عسركيه؟ محمد علاء مبارك مدني زيه زي اي عيل بيلعب في شوارع مصر لو وقع بنسمي عليه و نمد ادينا نوقفه ولو مات بنصلي عليه و ندفنه و نطلبله الرحمه، ياريس كفايه إستفزاز ياريس… ياريس كارهينك كفايه و احنا مستويين و مش ناقصين إستفزاز!!!
اللي توفى انهارده بالنسبه لي كإنسان هو طفل بعيد عن نسبه هو طفل توفى يصعب علي و اترحم عليه زي ترحمي على وفاة اي طفل في العالم ولتوضيح الأمر كل اللي حصل انهارده محمد ملوش ذنب ليه فيه…ولكنهم عبدة مبارك من المنافقين… فيا أيها المنافقون لا أنافق من تعبدون!!!
يسبم فُمّك .. والله جبت مالآخر!
love it!
هو زي ما توقعت حضرتك وكل السادة الماهدين الذين ابتلاهم الله بالسمع والبصر شوفنا وقرينا البدع من الساده المبدعين .. بداية بكرم جبر ومروراً بحمدي رزق و و و و و و و و و و و حتى فضيلة مفسي الديار
لكن الجميل والجديد والسر الخطير اللي أذاعته حبيبتشي ماما عبلة لحبيبةش قلبها مذيعة الحياة وهما بيدعوا ويأمنوا ويعيطوا ان أسرة الأبطال استحملونا كتير
أعتد ان الشعب السبب في موت الواد
شوف يلبرنس يايسارى يااللى بيقولوا عليكم ملحدين وشيوعيين
ياللى اكيد زى اليساريين اللى اعرفهم بتبقى قاعد على القهوه وسايبه الصلاه وبتجيب فى سيرة ده وفى سيرة ده
بتكلم عن 1200 و500 و500
الناس دى ماتت بسسب الجبناء المثقفين اللى زيك ماتوا بسسب جهلهم ماتوا بسبب ان اللى زيك مقلهمش ومعلمهمش ان البلدى احسن من غيرها
واشرفهم كانو يموتوا فى مظاهره ولا اعتصام ولا دفاعا عن حقوقهم فى بلدهم افضل من موتهم فى الغربه
اوجيتهم مرضى ويموتوا هنا اوموتهم فى عباره
فين اهالى الناس اللى ماتت دى نسيوا
اهالى ال 1200 بتوع العباره معظمهم قبضوا 300 الف جنيه وقالوا ان اللى مات لو كان عايش عمره ماكان يجيب ربعهم
المثقفين اللى زيك مسئوليين عن جهل الناس عشانكم جبناء وبتخافوا تضحوا وبتخافوا تتكلموا
انا عايزك تنزل فى ميدان عام وتقول للظلم لاء
عايزك تنزل يامثقف وتلم الناس حواليك وتقول لا للظلم لا للجهل لا للفقر لا للمرض لا للفساد
تقدر
لوتقدر
انت واللى زيك من المثقفين اكيد الوضع هيتغير
انا عاطل ضمن الكثيريين واتمنى التغيير يابرنس
ولكن صعب على موت هذا الطفل وشماتة بعض الناس فى موته
ربنا يرحم هذا الطفل
ويلهم اهله الصبر
وكما قلت سابقا
لعل فى موت هذا الطفل الجميل حكمه
كما كان فى قتل الخضر للغلام حكمه
تسلملي يا رفاقه دول فقعوا بضاني يا عم
قشده عليكي يا سو
ايوا احنا الشعب ابن الكلب احنا متعبييييين يا جدع
داحنا ولاد كلب قوي
وكس ام النفاق و صدق اللي قال أفيون الشعوب
شوف انت يا مجرد سطحي الفكر و النظره
اولا انا مش مثقف و لا عمري قولت اني من المثقفين و لا -نخبوي
فيا سعادة السطحي انت مفهوم كلامك ان اللي ماتوا في العباره هما اللي غلطنين مش ممدوح إسماعيل لا لييه بقى عشان الناس دي طماعه و متخلفه و هي اللي هربت عشان تجيب فلوس و ممدوح اسماعيل برئ منهم هما اللي اغبيا يا عم
طيب و اللي ماتوا في قطار الموت ؟!!!!!! متخلفين برضوا لأنهم لقيوا نفسهم محبوسين في كتلة صفيح مولعه معرفوش حتى ينطوا منها؟؟؟؟
لأ طيب و الدويقه ؟؟؟؟هما اللي وقعوا الصخره على دماغهم عشان "المقفين" هما المسؤولين عن تحريرهم
انا مش فاهم انت تفكيرك ايه ولا دراستك ايه ولا مرجعيتك اني رجعيه عشان اطرطر عليهاا بس انت محتاج تتعالج نفسيا
وعلى فكره انا مش مستنيك عشان آخد الناس و انزل الشاعر اقول لأ لأن دا بيحصل و انا مش محتاج اتكلم عن مشاركاتي وإلا هبقى مدعي
وواضح انك مش بتعرف تقرا لأني من قبلك قولت الولا ربنا يرحمه ولا اشمت في موتته ولا لي دعوه بيه
حاول تفكر قبل متكتب مجرد كلام انت نفسك مش فاهم معانيه
قللهم يارفيق قللهم