Archive for October, 2008
31
Oct
G.A.S. Round 3
31
Oct
انا و المعبد اليهودي
انهارده و انا في الشغل كلمني مالك … ايه يا واد يالا هتقابلني في المكان الفولاني عشان الشغل و عايزك تبيض وشي , بص هو عند المعبد اليهودي في شارع عادلي … اوك يا مالك انا نص و اكون عندك … انا مكنتش اعرف المعبد اليهودي دا فين الصراحه اعرف انه في وسط البلد بس فين معرفش ولا عارف شارع عادلي دا اللي هو فين اصلا لأني بنسى إسم شارعنا اصلا !!!
المهم قولت اعتمد على اني اسأل الناس في الشارع و اكيد هوصل بعد ميتوهوني شويه كالعاده المهم وصلت عند سينما مترو كدا و بدور على حد اسأله جيه حظي مع واحد بدقن و حالق الشارب , قولت قشطه هسأله ..
- لو سمحت هو المعبد اليهودي منين ؟
- نعم ؟ (و ملامح وشه اتغيرت) انت عايز ايه عند المعبد ؟
- انا عايز المعبد اليهودي هو فين ؟
- لا قولي انت عايز المعبد ولا مكان جمبه ؟!!!
- يا عم هي حدوته انا عايز المعبد نفسه بقى ( وبدأت اقفش و اجهز لأني فهمت انه هيعيش فيها دور المجاهد)
- لأ لو المعبد يبقى مش هقولك يا حلو !!!
- نعم يعني انا لو يهودي انت مش هتقولي المعبد بتاعي فين ؟
- ولا كنت هكلمك اصلا !!!
- ليه يا عم هما اليهود اللي في مصر كانوا عملولك ايه , و بعدين دول كتابين زيهم زيك يعني دينك بيقولك تؤمن بدينهم و بنبيهم و تودهم دول كتابين ياعمي …
- لا ماهو دينهم دا اتلغى … الإسلام نزل ولغى الكلام دا و بعدين دول كفره بيعبدوا الأصنام و الدال على الفعل كفاعله…
- الإسلام نزل لغى؟؟؟ ايه العبثيه اللي انت بتفكر بيها دي هو ربنا دا فوق بيلعب بينزل دين عشان يلغي اللي قبله ؟ و بدأت فعلا اتنرفز و بضاني ورمت , المهم انا عايز دين ام المعبد اليهودي رايح اصليلي ركعتين هناك هتقولي ولا لأ ؟!!!!
- لأ مش هقولك
بصيتله بمنتهى الإحتقار و القرف و كان نفسي اسبله ميت مله بس مشيت عشان كنت متأخر … طبعا انا لما حكيت لمالك قالي انت غلطان انك تناقش الناس دي انت كنت شخرت و سبيت الدين وضربته و مشيت ( طبعا دا مالك جريندايزر اللي عارف كويس قوي انه قادر يعمل دا 
)
ان ليا كام تعليق كدا برضوا كنت عايز اقولهم بس كنت مستني الوقت المناسب عشان اقولهم و اهو جيه , المسلمسن هم مش ايد ربنا في الأرض يعني مش منحقهم يصدروا احكام على آخرين لأنهم مش على دينهم , يعني مش عشان انا على اي دين آخر او ملحد تصدر امر بينك و بين نفسك انك لازم تقاطعني و يمكن تقتلني لو جتلك الفرصه , ربنا اللي المسلمين نفسهم مؤمنين بيه شايف الملحد و عابد الأصنام و عابد البقره و سايبه يعبد البقره و يحب الصنم و يصلي للشمس … يبقى انت يا عبد يا معفن لأنك جيت في الدنيا لاقيت ابوك و امك مسلمين فبقيت مسلم او مسلم عن قناعه يبقى انت سيف الله في الأرض , لأ … انت تحترم الإنسان لأنه انسان محدش ليه علاقه بديني ولا يعاملني على اساسه لأنه علاقه بيني و بين اللي بعبده او اللي مش مؤمن بيه انا المسؤول عن اختياراتي … بجد الإنسان اللي قابلته دا مقرف و فرحان بدقنه … طيب موقف اتحكالي زمان في حصة دين في المدرسه عن سيدنا محمد :
ان كان في واحد من الكافرين بيه بيروح كل يوم و يشخ قدام عتبة بيته كل يوم , و في يوم سيدنا محمد خرج من البيت ملقاش حاجه فراح يزوره في البيت و يسأل عليه لحسن يكون تعب و فعلا كان مريض …
دا سلوك النبي اللي المفروض انه بيؤمن بيه الشخص اللي كنت بتكلم معاه انهارده … ديني علاقه شخصيه مش منحق حد انه يسألني عنه او يتعامل معايا على اساسه !!!
19
Oct
عن ليلى
كلنا ليلى يوم غني عن التعريف و واحد من اهم الفعاليات اللي بشكل او بآخر بتكون فرصه لكل ليلى ان تعبر عن نفسها, مشاكلها او مضايقات ممكن تكون بتقابلها , انا بصراحة المشاركة في يوم ليلى مكانش وارد في دماغي وكنت افضّل الإستمتاع بالمشاهدة من بعيد او بمعنى اصّح قرائة مشاركات كل ليلى .
انا اصلا من فتره و انا حابب اسجل رأيي بأي طريقة في أمر المرأه كيان المخلوق اللي اسمه الأنثى , انا شايف ان الأنثى كمخلوق بيعاني كتير دا بعيد عن ظلم المجتمعات او القهر اللي ممكن المرأه تتعرض ليه في اي مكان على ظهر الكوكب, انا اتصور نفسي لو انا انثى .. خلقت انثى و اواجه التالي ..
من سن 10 سنين تقريبا امي تبدأ تخوفني من الكائن اللي اسمه الذكر و تمنعني من الإختلاط او اللعب معاه , تبدأ بزرع خوف و كابوس داخلي اسمه البكاره كما لو كانت الجلده دي هي العفّه كل العفّه , شهور و ابدأ معاناتي الشهريه ان كل شهر يعدي علي قرابة الإسبوع اعاني فيها من القرف , العصبيه و المغص و كل دا ليه لأني خلقت بمبيض , و بعد كدا الجواز و الحمل و 9 شهور من الآلام بيقولوا عليها ممتعه و العذاب في التربيه و و و …
اولا … الحمد لله اني ولد لأن كل اللي انا سردته فوق دا هو اللي بتتعرض له الأنثى لمجرد انا خُلقت انثى , نضيف إليها قائمة لا نهائية اخرى من التعديات و القهر بتتعرض له المرأه لأنها خلقت على هذه الهيئة و انا مقتنع ان المرأه بتتعرض للقهر او الإذاء في كل المجتمعات على ظهر هذا الكوكب طبعا مع اختلاف نسب هذا القهر ولكن هو موجود في كل مكان.
انا كنت حابب اسجل رأيي دا من فتره و شايف ان مفيش انسب من يوم ليلى لتسجيله … و من اليوم انا هعتبر يوم ليلى هو فرصه سنوية لي لتوجيه الشكر , التقدير و العرفان بجميل كل ليلى في حياتي …
ابدأ بأمي … فهي ليلى بكل ماحملت الكلمة من معاني تحملت مني الكثير و كانت جمبي و تحملت إخفاقاتي المتكرره و اتمنى ان تكون نجاحاتي كافيه لأن تدخل السعادة لقلبها.
ليلى أخرى اجدها في المرتبة الثانية بعد امي تماما في مساندتها الدائمة لي … مريم تنكر و اكاد اجزم اني لولاها مكنتش هقدر اعدي اخفاقات كتيره جدا كانت هي دائما جنبي فيها و بثقتها في و في قدرتي على الوقوف على رجلي كنت اعيد استمداد قوتي.
اتمنى اني اقدر في يوم اقدم اي مساعده لأي ليلى لتقليل معاناتها على ظهر هذا الكوكب !!!
18
Oct
ريم بنا
نقلاً عن موقع مركز هشام مبارك للقانون
قامت قوات الامن باعتقال ركاب حافلة كانت قادمة من الفيوم وتم وضع جميع الركاب في عربة ترحيلات
ووصل عدد معتقلين حافلة الفيوم مع عدد من نشطاء القاهرة الى 36 معتقل
والاسماء هي …
1. سعد مفتاح بكري
2. رمضان عوض صابر
3. جمال عبدالتواب
4. عاتق جمعة سلام
5. محمود علواني
6. محمد شريف
7. علي عبدالله
8. محمود فوزي
9. محمد عماد سيد
10. بلال علاء فهمي
11. ابوبكر مشالي
12. احمد محمود محمد علي
13. صابر احمدي سعداوي
14. راضي محمود محمد
15. محمد خيري
16. محمد عادل
17. محمد حسن فايد
18. محمد جمال مصطفى
19. السيد صابر ربيع
20. خليفة عبيد محمد
21. محمد مرعي عبدالعزيز
22. احمد خلف احمد
23. عبدالستار سالم عبدالعاطي
24. محمد خليفة
25. محمد منصور
26. مصطفى محمود هلال
27. حسام احمد
28. محمود عبدالمحسن
06
Oct
عاجل
تحديث…
تحتجز الان قوات الامن الناشط العمالي ناجي رشاد هو واثنين من اطفاله بجانب مبنى الاهرام بالاسعاف.
——————————————————————–
محمد عادل ميت بعتلي رساله مكتوب فيها معسكر طره تقريباً اخدوه معسكر طره في عربات الترحيلات.
——————————————————————–
احمد عبد الفتاح سابوه ولكن الكاميرا و بطاقته الشخصيه لسه معاهم.
——————————————————————–
محمد عادل (ميت) اتصل بي بيقولي انه بيتمسك من قدام النقابه و معاه حد تاني بس معرفتش افسر مين اتمسك معاه تاني.
——————————————————————–
احمد عبد الفتاح اتصل بي قالي انا اتمسكت في شارع الشاوربي و محتجزينه في احد المحلات و اخذوا الكاميرا منه و حضر له احد نواب الإخوان.
06
Oct
تراتيل الرب مبارك
بسم الرب مبارك قادِس مُقدّس عالي مقامه زاهي قوامه هاي هئ
بسم بقرتنا الذهبية الشمطاء العقراء التي لا تترك زرع و لا تؤتي بماء
Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.
نقلا عن مركز هشام مبارك للقانون …
منذ ساعتين من الان قام الامن عند كوبرى السلام باحتجاز ثلاثة من نشطاء الحملة الشعبية المصرية لفك الحصار عن غزة والثلاثة المحتجزين هم:
احمد فهيم عبد العزيز (مهندس من المنصورة عضو حركة كفاية )
ا/ صلاح تميم
ا/ حمادة بدير من حزب العمل
وهم محتجزين عند كشك الامن , ومن المعروف ان الحركة الشعبية كانت قد اعلنت عزمها على تحرك قافلتها لفك الحصار عن غزة غدا الثلاثاء 6 اكتوبر.
انا ليا رأي في حكاية الحركات الشعبيه لفك الحصار عن غزه و ماشبه من حملات محمله بالدعم المادي لأهالي فلسطين هبقى اقوله بعدين لما نتطمئن على الشباب المحتجزين الأول.
نقلا عن جريدة البديل …
قالت زوجة الأديب والناشط الحقوقي «مسعد أبوفجر» المعتقل في سجن برج العرب، إن زوجها لا يزال مختفيا ولم يستدل علي مكانه عقب خروجه من السجن يوم 27 سبتمبر الماضي، حيث أصدرت محكمة جنايات التجمع الخامس قرارًا في 25 سبتمبر برفض طعن وزارة الداخلية. وأضافت: «أشعر بالخوف والقلق من قيام وزارة الداخلية بإصدار قرار اعتقال آخر له كما حدث في المرات السابقة، حيث حصل مسعد علي 3 قرارات إفراج نفذتها الداخلية علي الورق فقط ثم قامت بتجديد اعتقاله». وقالت الزوجة: «إن الداخلية أصدرت قرار اعتقال جديدًا لأحمد أبوفجر شقيق «مسعد» وأعادته لسجن برج العرب بعد احتجازه 20 يومًا في سجن ترحيلات العريش، بعد صدور قرار محكمة جنايات جنوب القاهرة بالإفراج عنه يوم 15 سبتمبر الماضي». وأضافت: «لو الداخلية كانت قد اعتقلت مسعد مرة أخري فلتعتقلني أنا وابنتي، فلا معني لوجودنا بالخارج وزوجي يعاني مرارة الاعتقال وتعنت الداخلية التي لن تستطيع إثناءنا عن الدفاع عن أهلنا بسيناء».
يمكنكم دعم مسعد ابو فجر بالربط لمدونته الشخصيه “ودنا نعيش” باللافته التاليه و كودها مدرج اسفلها
