بالصدفه و انا بعمل بحث في فليكر عن بعض الصور لحريق المسرح القوي فوجئت بصور بعنوان حريق في سينما مترو بوسط البلد !!! و الصور مسجله بتاريخ 24 اغسطس الماضي , لم اسمع عن الحادث من اي قناة اخبارية او حتى جريدة او خبر عاجل على احد القنوات الإخبارية كما اعتدنا في الأيام القليلة الماضية … لم اتمكن من الوصول لأي معلومات عن الحريق , الإصابات , الخسائر المادية او حتى إعلان الجناح العسكري لحركة الماس الكهربائي عن مسؤوليتهم عن تنفيذ هذه العملية كمن سبقها !!!
بعض الصور للحادث و تواجد عربات المطافي -الغير مُجدي دائماً مع إحترامي لرجال الإطفاء- لحين الوصول لأي معلومات عن الحادث …
مصدر الصور … هشام طليب
طيب معلش لو تساعدنا بندور على اجابة:
هو هوجة الاهمال قامت في الرموز الوطنة والتاريخية في البلد الشهرين الاخيرين دول ليه؟
الاهمال زاد.. ولا وصل مبلغه.. ولا ايه؟
مش بحب المؤامرات بس بتسائل بتحليل ومنطق.. ليه كلها رموز وكلها قديمة وكلها علامات عند المصريين؟
انا بصراحه مش عايز افكر من منظور المؤامره لأني لو سلمتلها دماغي هتوصل لأن الي بيحصل هو طمس لكل شئ احنا شهود عيان على موت كل العلامات المصريه و دا شئ محزن و مقلق … كانت مدبره و لا القدر معاند زي مقال فاروق حسني متعرفش بس اللي بيحصل دا لازم تكون له وقفه عشان نحلل الأحداث يمكن نوصل لتفسير