اليله دي فعلا واحده من الليالي اللي فعلا حسيت فيها بطعم النجاح, انا كنت بقلّب على الفيسبوك و بمنتهى الصدفه الاقي الصوره اعلاه .. واضح انها اتصورت في يوم 6 ابريل اللي فات معرفش مين اللي صورها ولامين اللي شايلين البوستر ولا مكانهم كان ايه , بس إحساس ان اللي بعمله مبيروحش هباء و ان في ناس بسيطه بتشوف واحد من تصميماتي و يعبر عنهم بشكل او بآخر دا إحساس جميل قوي و يخليني اطرد اي إحساس بالإحباط و اقول انني بحقق نجاح حقيقي 
التصميم كان بسيط ومعبر وقوي فطبيعي إنه كان ينجح ويلاقي مردود كويس عند الناس
أعتقد كل ما التصميم كان بسيط ومعبر وخالي من الدوشة البصرية كل ما وصل للناس ونجح بقوة
تحياتي
اشكرك يا رفيق
بس انا فعلا برقص من الفرحه من امبارح لأن الستات كمان واضح انهم موظفات يعني غالبا معندهمش كمبيوتر في البيت اصلا و يمكن بعد المظاهره الورق اللي مطبوع عليه التصميم طلعوا عليه بطاطس محمره ولا لفوا فيه شندوتشات العيال و هي رايحه المدرسه و دا جميل جدا
اتمنى اني اقدر اوصل للناس بالشكل دا كل مره اعمل فيها تصميم