ع الرصيف

“ع الرصيف” وثائقي إضراب موظفي الضرائب العقارية , تسجيل لنضال موظفي الضرائب العقارية لمدة 11 يوم ع رصيف شارع حسين حجازي أمام مجلس الوزراء , اولاً انا بشكر نورا يونس جداً على المجهود الرائع المبذول في العمل لكي يخرج بهذا الشكل وهو تأريخ لتحرك الموظفين يضاف لمكتبة النضالات العمّالية و الشعبيه في مصر , احب أسجل انطباع شخصي عن الموظفين دول لأني كنت وسطهم, وسط الإضراب و شوفت الروح الجميله اللي كانت عندهم طوال 11 يوم إضراب و إعتصام على الرصيف مع العلم ان هذه الأحداث كانت في ديسمبر الماضي يعني في عز الشتاء ولكن كل الظروف السيئة لم تكن لتؤثر على روحهم وصلابتهم رجال و نساء , في واحد هتشوفوه في الفيلم قصير القامه و نحيل وهو اللي ماسك الميكروفون و بيهتف معظم الوقت الراجل دا انا كان نفسي اعرفه دا أجمل هتّيف ممكن تشوفه في مظاهره او أي تحرك في الشارع, بيهتف و يغنّي طول الوقت و هو بيضحك و مبتسم و هتافاته كانت جميله جدا … مش هطوِّل عليكوا شوفوا الفيلم الرائع و شكراً مرة أخرى يا نورا.

Egypt: tax-collectors strike ع الرصيف from Nora Younis on Vimeo.