الحرية لمحمد مرعي
يا جدعان في واحد اسمه محمد مرعي , الشاب دا من مُعتقَلي يوم 6 ابريل في المحله بس هو مكانش بيشارك في اي حاجه, هو كان مُتَرجم للصحفي جامس باك و كان بيرافقه كمترجم شخصي وقت تواجده في المحلة لا أكثر و لا أقل , و لكن تم أعتقاله يوم السادس من أبريل مع جامس و تم إرسالهم إلى النيابه و قضوا الليل هناك و بعدها تم طبعا الإفراج عن جيمس لأنه أمريكي و لكن محمد ابن البلد اللي ملوش تمن الآن موجود في معتقل برج العرب بالأسكندرية و موجه له تهم التظاهر و التحريض لإحداث شغب و تخريب و هو لاتظاهر و لا خرّب لأنه في الأول و الآخر كان مترجم و بيقوم بشغله … ارجوا اننا نوجه الأهتمام بشكل اكتر للمعتقلين و اللي محمد واحد منهم و أيضا الرفيق كريم البحيري المتواجد حالياً في معتقل برج العرب بالأسكندرية .
