انا في مكتبة البلد الان بوسط البلد
و عند نورا يونس أخبار بالتفصيل عن الذي حصل عليه موظفي الضرائب العقارية حتى الان
تواجد أمني ضخم بوسط البلد … 5 عربات أمن مركزي و عربة إسعاف بميدان طلعت حرب ,
إثنا عشر عربة أمن مركزي و عدد ضخم من بلطجية أمن الدوله في إمتداد شارع الفلكي خلف موقع الموظفين المعتصمين
لاحظت تواجد أمني لمخبرين على مدخل قهوة الممر يكتبون تقرير و كما سمعت من أحدهم و هو يتحدث في الموبايل عن انه يكتب تقرير لوجود مظاهره متوقعه في وسط البلد
اولا مبروووووووووووووووك انا فرحان جدا كونت نازل النهاردة بعد مكتبت الكومن ليك وقلت ابص عند عرباوي شوفت الكلام الي عندو وعند نورا يونس بجد فرحت اوي الناس دي صممو يخدو حقهم ومتنزلوش عنو وفضلو صامدين.بجد الحمدلله فرحت جدا علاشن اخيرا هيستجاب لمطالبهم.
ثانيا زعلت شوية علاشن كان نفسي اكون موجود في الوقفة التضامنية بس للاسف اتلغت.وكمان كونت عايز اشوف مالك وحسام وطبعا اشوفك واسلم عليك
بس مش مشكلة تتعوض في اي مظاهرة تانية.
مبروك
الله يبارك فيك
والله كويس ان المظاهره محصلتش لأن الحشد الامني كان أكبر مما تتخيل
حاجه مشفتهاش من أيام اعتصمات القضاه
و جاتلي أخبار انهم كانوا نازلين المره دي عشان يمسكوا اي واحد هيتظاهر مش ضرب و تفريق بس
و الحمد لله ان دا محصلش عشان كان في ناس تقيله نازله زي مالك و حسام و مظنش ان الامن كان ممكن يتعاون معاهم
بس الحمد لله النصر جه منغير خسائر و التحيه كل التحيه للموظفين البواسل