انا عن نفسي لا اُنكِر انني شخصيه تلفزيونيه جداً, يعني بحب اشغلو و خلاص حتا لو مش مركز مش مهم ..يعني انا مشغلو دلوقتي و مش عارف بيرغي فإيه …
و فمره من متبعاتي لبرنامج مصر الاول (البيض بيضك) و كانت حلقه قبل القبض علي الاستاذه هويده مُعِدَّة قناة الجزيره
- اللي لبست الليله – و كانت افلام التعذيب لسّه في بداية انتشارها على النت خصوصا شريط التعذيب بتاع ضابط البواسير
- وانتوا فاهمين قصدي – و الاقي المذيعه السطحيه (منى الشرقاوي) تذيع بيان عن وزارة الداخليه بيقول ان هنالك بعض فيديوهات التعذيب المنشوره على النت و هي مُمَثله و ليست حقيقيه و اللذي قام على عملها بعض الجهات اللي تقصد تشويه سمعة مصر (عشان انتو عرفين سمعتنا نضيفه و رايتنا عاليا) وبعدها بيومين ينزل منشور تاني انهم مسكوا هويده و معاها الشرايط و يقوموا بإذاعة فيديوهات تعذيب حقيقيه من اللي كلنا عرفنها و معاهم مشاهد مُمثله لتعذيب و يقولوا كل ده كان كذب و تمثيل دالشرطه في خدمة الشعب … هتقللي و مين يصدق الحورات دي اقولك ان ابسط حاجه انني لاقيت والدتي بتقوللي
” شوفت اديك بتفتري عليهم دحنا بلدنا احسن بلد و ريسنا احسن ريِّس…!!! ” – شكراً للإعلم المُوَجَّه -

واقعه تانيه بقى تفطس من الضحك طبعاً كلنا نسمع عن برنامج صباح الخير با عرس – قصدي يامصر- اللي بيصحى مننا بدري بيشوفو المهم هو برنامج مسالم مجرد انو بيصبح عالناس… بس اللي يفقع ***** انك تلاقيهم بيفبركوا مكلمات و ياريت بيفبركوها عدل لأ دول بيبرطعوا زي ميكونوا عرفين انهم بيخاطبوا شعب محدود الفِكر تبص تلاقي المذيعه بتريَّح عالكرسي قوي و تقلك معانا تليفون من الدقهليه … معانا تليفون من بنها العسل …معانا تليفون من المَطيزا جبلي …و ده عشان يقولوا انوا برنامج عليه إقبال و يستمروا في بث الفكر المبارك للزعيم و القائد – طويل العمر يطول عمره – بس كلُّو كوم و اللي حصل من يومين كوم تاني
كلنا سمعنا عن حوادث الشغب و الخناقه اللي حصلت بين المصرين اللي شغلين فالسودان و السودانين و مسكوا واحد مصري جلدوه و حوادث غريبه لست بصضدها الان بس عشان الاعلام المصري يطلخم على الحوار يعملو ايه؟
تقعد المذيعه و ترحرح على الكرسي و تقول … معانا تليفون من الخرطوم اهلا يا فندم يرد الباشا عليها : نحنا بنحيي مصر و ناس مصر و اهل مصر و مصر دي بلدنا كلنا و إحنا إخوه و يعد يرطن للحلم العربي و يقفل …!!!

سؤال و لازم نسألوا لنفسنا لحد إمتى هنفضل مسَلمين عقلنا و مصيرنا لشوية خونه لا يسعون إلا إلى مصلحتهم و وراهم راس الغول عمالا تنهش فخير البلد و إحنا ملهين …
حان الوقت نفوق … حان الوقت للتغير … مصير البلدي عمره ماكان حِكر للخونه و الملحستيَّه عشان يتحكموا فينا فوقوا بقى هنوصل لفين تاني …؟!!

Posted By: GABOR ®